इटालियन सिरी ए मा एसी मिलानले जित हात पारेकाे छ । मिलानले घरेलु टाेली सालेरनिटानामाथि २–१ काे जित हात पारेकाे हाे ।
मिलानकाे जितमा राफयल लियाे र सान्द्राे टाेनालीले गाेल गरे । घरेलु टाेली सालेरनिटानाका फेडरिकाे बाेनाजजाेलीले गाेल गरे ।
सालरेनाेमा बुधबार राति भएकाे खेलकाे १०औं मिनेटमा राफयल लियाेकाे गाेलबाट मिलानले १–० काे अग्रता लिन सफल भयाे । उनले सान्द्राे टाेनालीकाे पासलाई सदुपयाेग गरेका थिए ।
१५औं मिनेटमा सान्द्राे टाेनालीले गाेल गर्दै मिलानलाई पहिलाे हाफमा २–० काे अग्रता दिलाए । उनले ब्राहिम डियाजकाे पासमा गाेल गर्न सफल भएका थिए ।
५८औं मिनेटमा ब्राहिम डियाजले गाेल गरेपनि भिएआरबाट मान्यता पाएन । उक्त गाेलकाे मुभमा भिएआरमा अफसाइड देखिएकाे थियाे ।
७५औं मिनेटमा सालेरनिटानाका डाेमागाेज ब्राडारिच राताे कार्डबाट बचे । रेफ्रीले सुरुवातमा राताे कार्ड देखाएपनि भिएआर हेरेपछि रेफ्रीले कार्ड परिवर्तन गरे ।
८३औं मिनेटमा फेडरिकाे बाेनाजजाेलीले गाेल गर्दै खेललाई २–१ काे स्थितिमा ल्याए । लस्साना काेउलीवालीकाे पासमा गाेल गर्न सफल भएका थिए । त्यसपछि थप गाेल निस्कन नसक्दा मिलान विजयी हुन सफल भयाे ।
यस जितसँगै दाेस्राे स्थानमा रहेकाे मिलानकाे १६ खेलबाट ३६ अंक पुगेकाे छ । शीर्षस्थानकाे नेपाेलीकाे ४१ अंक छ पराजित सालेरनिटाना १७ अंक जाेडेर १३औं स्थानमा छ ।
