लन्डन क्लब आर्सनलले इंग्लिस प्रिमियर लिगमा लगातार पाँचौं जित निकालेको छ । यो सिजन उच्च लयमा रहेको आर्सनले एस्टन भिल्लालाई २–१ ले पराजित गर्दै लगातार पाँचौ जित दर्ता गरेको हो ।
घरेलु मैदानमा आर्सनलको जितमा ग्रावियल जेसस र ग्रावियल मार्टिनेलीले गोल गरे । भिल्लाका डुगलस लुइजले एक गोल फर्काए ।
इमिरेट्स स्टेडियम लन्डनमा आर्सनलले खेलको ३०औं मिनेटमा जेससको गोलबाट सुरुवाती अग्रता लिएको थियो । ७४औं मिनेटमा डुगलस लुइजले गोल गर्दै खेललाई १–१ गोलको बराबरीमा ल्याए ।
७७औं मिनेटमा ग्रावियल मार्टिनेलीले गोल गर्दै आर्सनललाई जित दिलाए । उनले बुकायो साकाको पासमा गोल गर्न सफल भएका थिए ।
लगातार पाँचौ जितसँगै आर्सनल १५ अंक जोडेर शीर्षस्थानमा रहेको छ । पराजित एस्टन भिल्ला ३ अंक जोडेर १९औं स्थानमा रहेको छ ।
