इंग्लिस प्रिमियर लिग फुटबलमा आर्सनलले लगातार चौथो जीत दर्ता गरेको छ।
शनिबार राति भएको खेलमा आर्सनलले फुलह्याममाथि २–१ गोल अन्त्रको पुनरागमन जीत दर्ता गरेको हो ।
पहिलो हाफ गोलरहित बराबरीमा सकिएको खेलमा सवै गोल दोस्रो हाफमा सम्भव भएका हुन् ।
५६ औं मिनेटमा फुलह्यामले अग्रता लिएको थियो । उसका एलेक्जेन्डर मिट्रोभीले गोल गरेका थिए ।
६४ औं मिनेटमा मार्टिन ओडगार्डले गोल गरेपछि आर्सनलले खेल बराबरीमा ल्याएको थियो ।
८५ औं मिनेटमा ग्याब्रिएलले गोल गरेपछि आर्सनल २–१ को पुनरागमन जीत दर्ता गर्न सफल भयो ।
जीतपछि आर्सनलले ४ खेलमा १२ अंक बनाउँदै शीर्ष स्थानमा आफूलाई स्थापित गरेको छ र समान खेलमा १०–१० अंक जोडेका म्यानचेस्टर सिटी र ब्राइटन क्रमश दोस्रो र तेस्रो स्थानमा रहेका छन् ।
