इंग्लिस क्लब आर्सनलले युरोपा लिगमा जित निकालेको छ । घरेलु मैदानमा आर्सनलले एफसी जुरिचलाई १–० ले पराजित गरेको हो ।
इमिरेट्स स्टेडियम लन्डनमा बिहीबार राति भएको खेलमा आर्सनलको जितमा पहिलो हाफमा काइरन टिएरनीले गरेको गोल नै निर्णायक बन्यो । उनले १७औं मिनेटमा गोल गरेका थिए ।
यस जितसँगै आर्सनल समूह ‘ए’ मा ६ खेलबाट १५ अंक जोडेर शीर्षस्थानमा रह्यो । पराजित जुरिच ३ अंक जोडेरमा पुछारमा रह्यो ।
यही समूहको अर्काे खेलमा पिएसभी इन्डोभेनले बोडो ग्लिम्टलाई २–१ ले पराजित गरेको छ । इन्डोभेनको जितमा बाकायोकोले गोल गर्दा एक गोल उपहार पाएको थियो । बोडोका निनो जुगेल्जले एक गोल फर्काए । यस जितसँगै इन्डोभेन ६ खेलबाट १३ अंक जोडेर दोस्रो स्थानमा रहँदा बोडो ४ अंक जोडेर तेस्रो स्थानमा रह्यो ।
यस्तै समूह ‘बी’ को खेलमा फेनरवाचले डाइनामो किएभलाई २–१ ले पराजित गर्दा रेनेस र एइके लारनाकाले १–१ गोलको बराबरी खेलेका छन् ।
समूह ‘सी’ मा रियल बेटिसले एचजेकेलाई ३–० ले पराजित गर्दा रोमाले लुडोगोरेट्स राजग्राडलाई ३–१ ले हराएको छ ।समूह ‘डी’ मा ब्रागाले माल्मोलाई २–१ ले तथा युनियन बर्लिनले युनियन जिलोइसलाई १–० ले पराजित गरेको छ ।
एफसी सेरिफले ओमोनिया निकोसियालाई तथा फियोनुर्डले लाजियोलाई समान १–० ले पराजित गरेको छ । मिट्जेल्यान्डले स्ट्रम ग्राजलाई २–० ले तथा मोनाकोले एफके क्रेभेना जेभेज्दालाई ४–१ ले हराएको छ ।
नान्टेसले ओलम्पियाकोसलाई २–० ले पराजित गर्दा क्वारावाग र फ्रेइवर्गले १–१ गोलको बराबरी खेलेका छन् । म्यानचेस्टर युनाइटेडले रियल सोसिडाडलाई १–० ले हराउँदा ट्रावजोन्सपरले फेरेन्कभारोसलाई १–० ले नै पराजित गरेको छ ।
