राष्ट्रिय फुटबल टोलीका कप्तान तथा गोलकिपर किरण चेम्जोङ सम्मिलित राउन्ड ग्लास पन्जाब मंगलबार आइ लिगमा पराजित भएको छ । पन्जाब श्रीनिदी डेक्कनसँग ४–० ले पराजित भएको छ । किरणले पूरा समय पन्जाबको गोलपोष्ट सम्हाल्नेका थिए ।
सहबाज खानले १२ औं मिनेटमा श्रीनिदीका लागि पहिलो गोल गरेका थिए । डेभिड कास्टानेडा मोनोजले २ गोल गरे्को खेलमा दिनेश सिंहले ६२ औं मिनेटमा गोल गरेका थिए । मुनोजले ३० औं र ८८ औं मिनेटमा गोल गरेका थिए ।
पन्जाबलाई हराउँदै श्रीनिदी आइ लिग अंकतालिकाको शीर्षस्थानमा उक्लेको छ । पन्जाब भने दोस्रो स्थानमा झरेको छ । १२ खेलमा श्रीनिदीको २५ अंक छ । एक खेल कम खेलेको पन्जाबको २३ अंक छ ।
११ खेलमा पन्जाबले ७ खेलमा जित २ मा बराबर र २ मा हार बेहोरेको छ । श्रीनिदीकाले १२ खेलमा ८ जित, १ बराबर र ३ खेलमा हार बेहोरेका छ । आइ लिगमा १२ टोलीको सहभागिता रहेको छ ।
